The Tracii Lords + No Smoking on Board venres 15 no Aturuxo ás 22h30 e Ith + Height Shock domingo 17 ás 21h00
12 de abril de 2011
Vernes 15 de abril: 5 € ant / 7 € taq. The Tracii Lords xerme de tres ex-membros de The Fishfuckers con anos ás súas costas tocando xuntos forman The Tracii Lords. Una banda con influencias tanto do continente Americano, da man de Lazy Cowgirls, como de lonxanas terras escandinavas; acordes que te farán buscar entre a colección os primeiros discos de The hellacopters ou Dr. Fleegood xa que o seu son está a cabalo entre o High Energy e o Rock’n’Roll máis británico. Este proxecto comeza a súa traxectoria a principios do 2010 onde J.L. Lord, Johnny A. e Pannizo comezaron a dar forma a este power-trio á vella usanza; guitarra, baixo e batería, quen che darán un directo cheo de macarrada pero con moita, moita clase.
No Smoking on Board é unha banda de Porto, que explora as sonoridades do Surf/Rock&Roll típicas dos anos 50 e 60, vocal e instrumental. Ten un repertorio constituído por temas orixinais e versión. Formada por Carlos Ariz o baixo e a voz, Filipe “Paganini” a batería, Oscar Gomes a guitarra, Pedro Moreira, voz e guitarra e Toze Ferreira, guitarra e voz.
http://www.myspace.com/nosmokingonboard
Ith + Height Shock 5 €
Ith é un príncipe celta que dá nome ao grupo que forman Miguel, Toxo, Folgueira,Rita, Pablo e Thais. Este grupo de Xanceda e arredores, que mantén o principio de facer rock galego e en galego, conta con máis de 13 anos de traxectoria musical, con tres maquetas no seu palmarés e con numerosas actuacións en directo pola nosa xeografía. Guíanse polas influencias de bandas diversas do rock, do heavy ou do pop, influencias de cada un dos seus compoñentes, que se aglutinan nos seus temas de composición propia. A música que fan é de estilo rock pero con influencias de novas tendencias. Todo o seu repertorio está formado por cancións propias e en galego.
http://www.myspace.com/ithrock
Height Shock nace no verán de 2006 como banda de hard rock no baixo dunha casa apartada, ás aforas de Vigo. Despois de dous anos e varios cambios no grupo, estabilizáronse coa que foi a súa primeira formación estable, e a finais do 2008 editarían a súa primeira demo baixo o título de “Outrage Road” un traballo presentado en diferentes shows o longo de todo o 2009.
Unha vez finalizadas as actuacións programadas no 2009, a banda comezou a traballar no seu novo traballo. Este novo EP publicouse baixo o nome de “Little Bastard” e foi producido, gravado e mesturado por David Estévez, grazas o cal a banda puido atopar o seu propio son, algo que levaban buscando moito tempo e que por fin lograron, un son potente e agresivo, un son propio pero que a vez garda esa esencia de auténtico rock.