Este domingo, 23 de decembro, vaise celebrar na igrexa románica de Santa María de Cela (Bueu) a terceira edición do Concerto de Nadal, organizado pola Asociación Cultural Retrouso.

Intervirán a Coral Lestonnac de Cangas, a Coral Polifónica de Beluso, o Coro Tres por Catro, de Bueu, e o Coro de Cela.

Cada grupo interpretará tres pezas, centradas no repertorio de panxoliñas.

Ademais, van estrearse diante do público catro dos rapaces (de 6 e 7 anos) que empezaron a aprender a tocar o acordeón este curso, da man de Teresa Pedrouso. Interpretarán a peza popular francesa Campaíñas.

O concerto empezará ás 19.30 horas, de balde.

• III Concerto de Nadal na igrexa de Cela este domingo (Retrouso)