Por segunda vez pisan o escenario do Aturuxo.
Veñen de La Garriga (Barcelona). É un grupo que colle música de aquí e de alá para transformala en mil cores e formas e adaptala ó seu propio mundo, a súa maneira de mirar as cousas. O grupo nace no ano 1995 e empeza tocando tex-mex, rumbas, merengues, vals..., en definitiva, música que non ten sentido sen o baile e a festa, unha trituradora de músicas populares. Cantan en catalán, castelán, inglés, francés, portugués e árabe.
Levan tres traballos, dos cales temos disfrutado bailando nos locais de copas do Morrazo. Veñen presentarnos o ultimo traballo chamado GO, gravado despois da desgraciada morte do seu baixista Carlos Rivolta, que fai replantexar a situación do grupo.
As ganas non nos faltan de disfrutar deste disco, cheo de novas misturas, novos ritmos gregos, rock-and-froll, guitarras gipsy... Dusminguet son do seu mundo e é que o noso está ó revés... A beillaaarrr.
Pedro Herrero estivo no Aturuxo en dúas ocasions: con Cantad, Cantad Malditos e acompañado de Laura dos Santos, deixando a calidade enriba do escenario.
Agora vén presentarnos El maravilloso mundo de Crasly Feidagüei, que consiste nun espectáculo unipersoal que xorde da ambición de mesturar música, humor, teatro e improvisación nun escenario a forza de imaxinación.
Aforo limitado