Neste verán de 2007, BNegão realiza o seu oitavo tour europeo (Barcelona, Amsterdan, Londres e Galiza), desta vez cunha formación diferenciada, no estilo Sound System: o rapper -- xunto con Pedrão Selector (trompetista e voz dos Seletores de Frequencia ) e as súas bases electrónicas --- fan un conxunto bombástico, tocando sons coñecidos do seu primeiro CD Enxugando Gelo, lanzado en 2003, e novas músicas (do cd que sairá no final deste ano), alén dos seus experimentos orixinais na mestura de Samba de Raíz con Funk Carioca e Reggae.
Considerado un dos principais e máis creativos rappers do Brasil, o ex-MC dos Planet Hemp xa gravou co grupo español Macaco (na pista Brasil 3000, do cd Ingravitto, de 2006), e tocou con algúns dos principais músicos do Brasil e do mundo, entre eles Tony Allen (Fela Kuti e The Good, The Bad, The Queen and The Princess), Public Enemy, Bernard Purdie (Aretha Franklin, Curtis Mayfield, Marvin Gaye), Nação Zumbi e J.T.Meirelles (Copa 5, Jorge Ben).
Considerado un dos máis creativos músicos da escena subterránea brasileira, pertenceu á formación de lendarias bandas do underground carioca dos anos 90, como Funk Fuckers, Pelvs e Manifesto 021, ademais de ter tocado coa lenda viva do soul / funk brasileiro, Gerson King Combo.