No Oeste máis afastado e máis cristián, tres mulleres cabalgan xuntas. Centauras do deserto que camiñan fóra da lei dos homes. Recén saídas de Novo Testamento, desenfundan dispostas a re(in)ventar versículo a versículo a historia das mulleres.

Sonia Méndez, Andrea Álvarez e Paula Sanmartín presentan Virxes (western relixioso), un cabaret iconoclasta que fai da mestura de códigos un auténtico revulsivo sobre as táboas e baleira a recámara contra a imaxinería feminina deste século XXI.

Música de western no backstage do Purgatorio.

Comeza a lenda.