Jaume Tugores presenta o seu primeiro disco, Anche lui è qui. Nove temas que son froito dun longo proceso de maduración e que pretenden describir lugares, persoas ou momentos importantes na vida do compositor. Cada tema é coma unha pequena historia, explicada polos cinco instrumentos acústicos do grupo, que aportan diferentes características do que a música representa.

Esta descrición faise utilizando elementos de diferentes músicas do mundo (sobre todo mediterráneas), e algúns dos recursos de composición e arranxos da música para películas.

O disco é ademais, como o seu título indica, unha dedicatoria ó compositor Ennio Morricone.

Actuación pertencente ó programa Artistas en Ruta da AIE